Novas

Novas e actualidade do Grupo Cuevas

Archivos

TOMÓVIL PARTICIPA NAS XORNADAS SOBRE VEHÍCULOS ECOLÓXICOS

30 Abril, 2018

Os días 27 e 28 de abril, a avenida de Pontevedra (confluencia coa praza Bispo Cesáreo) da cidade de Ourense acolleu unha xornada sobre o automóbil ecolóxico que contou tamén coa presenza e o apoio de Tomóvil Cuevas. A cita congregou a unha gran cantidade de público e xerou unha destacada expectación entre os taxistas da capital de As Burgas, principais destinatarios do evento, e cidadáns en xeral que mostraron interese e curiosidade por un tema que nos afecta a todos e que está de plena actualidade. As xornadas estaban organizadas pola revista YOTAXI, Teletaxi Ourense e o Concello da capital de As Burgas; e contou coa colaboración Repsol AutoGas e Nedgia, a compañía de distribución de gas natural do grupo Gas Natural Fenosa. O prato forte do evento foi a exposición de turismos como o Ford Mondeo Híbrido que achegou Tomóvil e os modelos de carácter ecolóxico doutras marcas como Renault, Dacia, Hyundai, Nissan, Skoda, Toyota, Opel e Seat. Todos eles baixo a máxima de contribuír a unha mobilidade sustentable e á eficiencia enerxética.
Ver imaxe

DÉIXATE QUERER, MAMÁ!

23 Abril, 2018

O día da nai está preto… e na nosa rede de supermercados querémolo celebrar ao grande. Porque ela o merece todo, sorteamos 10 bonos spa para dúas persoas que inclúe aloxamento, almorzo e un tratamento termal a elixir.
Participar no sorteo é moi simple. Desde o 23 de abril e ata o vindeiro xoves día 3 de maio recibirás unha participación por cada 10 euros de compra que realices. Cúbrea cos teus datos e deposítaa na urna dispoñible no teu súper habitual. O venres 4 de maio celebraremos o sorteo e saberemos que 10 afortunadas mamás poderán gozar dun momento relax nun dos balnearios da rede Caldaria de Galicia.
Sorte a todos!
Queres saber máis? Achégache a calquera dos nosos supermercados Aquié, Plenus ou Aquí e infórmate.
Consulta as bases legais

CUEVAS & CÍA ESTARÁ EN ALIMENTARIA

11 Abril, 2018

A próxima semana, Cuevas & Cía participará nunha nova edición do Salón Internacional de Alimentación, Bebidas & Food Service “Alimentaria” que se celebra en Barcelona entre o 16 e o 19 de abril. Cuevas & Cía achegará un pouco máis o Marron Glacé, a nosa Alma de Bosque, ao mercado internacional cunha localización exclusiva dentro do espazo habilitado pola Consellaría do Medio Rural na feira (Pavillón 2, caseta C342).
Alimentaria é un evento internacional de referencia para todos os profesionais da industria da alimentación, bebidas e food service. Unha cita obrigada coa innovación, as últimas tendencias e a internacionalización do sector.
Este ano reestrutura a súa oferta en base a novos eixos e tendencias de consumo para incrementar as opcións de participación das empresas expositoras e multiplicar as oportunidades de negocio.
Esta feira internacional potencia os seus valores únicos e diferenciais: a internacionalización, innovación, gastronomía e especialización sectorial. A feira ofrecerá tamén unha atractiva oferta en base aos mercados chave da industria alimentaria e as súas tendencias de consumo.
Na súa edición anterior, a feira contou con máis de 3.000 expositores procedentes de todo o mundo.

OS TUPPERS LIFEDESIGN XA DISPOÑIBLES NA REDE GÚSTAMEIRAOSÚPER

2 Abril, 2018

Queres conseguir os novos tuppers LifeDesign a un prezo moi especial? Xa están dispoñibles na nosa rede de supermercados Aquié, Plenus e Aquí. Se tes a Tarxeta Cliente “ GústameiraoSúper”, xa podes comezar a acumular puntos coas túas compras diarias. Se chegas a 15 puntos no mes en curso, obterás un cupón que che servirá para conseguir os teus tuppers a un prezo insuperable, 4,95 euros o lote de 3 unidades. Hai tres modelos diferentes a elixir!
Se queres saber máis desta promoción, consulta as bases de participación adxuntas.
Mentres, avanzámosche algunhas das características dos tupper LifeDesign:
– fabricados con vidro borosilicato
– 100% herméticos
– con válvula para microondas
– 4 puntos de peche e xuntas de silicona
– libres de metais e chumbos
– aptos para neveira, conxelador (ata -20º C), forno (ata 400º C) e microondas (ata 70º C e coa válvula aberta)
– os únicos que permiten pasar de temperaturas de -20º C a 400º C. Choque térmico 120º C sen rotura
– aptos para lavalouzas
Ver bases legais

AS AXUDAS A BEBÉS NAS TENDAS DE GRUPO CUEVAS AMPLÍANSE

As familias galegas con nenos que retornen desde a emigración a Galicia durante 2018, ou as familias con nenos adoptados, poderán beneficiarse das axudas á natalidade ofrecidas polo Grupo Cuevas nos seus supermercados de toda Galicia. Estas axudas, implantadas en 2017, e que ata a data estaban dirixidas a familias con bebés durante o primeiro ano de vida dos nenos, ampliaranse tamén aos colectivos sinalados.