Novas

Novas e actualidade do Grupo Cuevas

DAMOS A BENVIDA A UN NOVO SPAR EXPRESS EN PEREIRO DE AGUIAR

14 Maio, 2021

O pasado venres día 14 de maio abrimos as portas dun novo Spar Express. Está situado en Pereiro de Aguiar, moi próximo á ITV situada no polígono industrial do mesmo nome. A nova tenda forma parte da área de servizo Pereiro Park que tamén proporciona servizo de cafetería, ademais de reposición de combustibles. No novo supermercado atoparemos unha selección de produtos de primeiras marcas así como a nosa marca propia Spar e estará aberto en horario de 5:45 a 23:45 h todos os días do ano.
Ver imaxe

Máis información

GAÑA UNHA EXPERIENCIA FORD PUMA CON ALOXAMENTO INCLUÍDO

29 Abril, 2021

Sorteamos 3 premios dunha fin de semana para dúas persoas no que poderás vivir a experiencia de conducir o novo Ford Puma e de aloxarte nunha paraxe incomparable na provincia de Ourense.
Participar é moi sinxelo. Con cada compra superior a 20 euros que realices no teu súper habitual*, entregarémosche unha boleta de participación. Cúbrea cos teus datos e introdúcea na furna que atoparás no teu súper.
*Promoción válida só nos supermercados Aquié, Plenus e Aquí da cidade de Ourense e Allariz. Consultar establecementos adheridos nas bases legais.
Ver cartel

Ver bases legais

ABRIMOS O 12º CONCURSO DE DEBUXO INFANTIL EN AQUIÉ, PLENUS E AQUÍ

28 Abril, 2021

Xa está aquí o 12º Concurso de Debuxo Infantil dirixido aos nosos clientes! E nesta edición trae novidades… Queremos que todos os nenos e nenas dos nosos súper participen así que… este ano, ademais dos supermercados Aquié, tamén van participar no concurso os supermercados Plenus e Aquí de toda Galicia.
E cal é o reto? Este ano Floriposa sae de excursión cos seus amigos. Onde irán? Que lugares visitarán? Que aventuras vivirán? É o momento de que os máis cativos nolo ensinen.
Participar é moi sinxelo! Pide unha lámina para debuxar no teu súper habitual e… A debuxar!
Atopa toda a información do concurso nas bases legais que achegamos a continuación.
Ver cartel

Ver bases legais

GRUPO CUEVAS RECIBE O PREMIO MENTOR QUE CONCEDE AJE OURENSE

26 Marzo, 2021

A Asociación de Novos Empresarios de Ourense (AJE) celebrou onte, no Salón de Actos da Tecnópole a IX Edición dos Premios AJE Ourense.
Neste acto foron recoñecidas co Premio a Mellor Empresario do ano 2020, Vanessa Pena e Jesica Osorio. Doutra banda, o premio a Mellor Iniciativa Emprendedora 2020, foi para a axencia de márketing dixital e informática Dixital Gou, impulsada por Pablo Lorenzo Sanmartín. O xurado dos Premios AJE outorgou o galardón ao Compromiso Social 2020 ao Banco de Alimentos de Ourense.
Grupo Cuevas tamén foi unha das empresas premiadas neste acto, co Premio Mentor, un recoñecemento ao espírito altruísta e construtivo da organización, que compartiu coa Asociación de Taxis de Ourense, e as empresas A Lebre Mensaxeira e Calidus e Galego cátering. Cada unha no seu ámbito, levaron a cabo iniciativas durante a corentena para protexer e axudar á poboación de maior risco, como repartición a domicilio de alimentos, menús ou viaxes gratuítos para o persoal sanitario. Carlos Costa, director comercial adxunto de Grupo Cuevas, foi o encargado de recoller este premio así como de agradecer á AJE a súa iniciativa e a posibilidade de seguir traballando por facer a vida máis fácil ás persoas.
Na imaxe a foto de familia de todos os premiados nesta edición.
Ver imaxe

GRUPO CUEVAS REABRE MAÑÁ O SEU SUPERMERCADO MÁIS EMBLEMÁTICO DO RURAL

24 Marzo, 2021

Mañá xoves, día 25 de marzo, reabre as súas portas como Plenus o supermercado Aquí de Allariz, na provincia de Ourense. Con 17 anos de traxectoria, esta emblemática tenda que o centenario grupo ourensán abría na localidade de Allariz en xullo do ano 2003, alcanzará a súa maioría de idade reconvertido xa en Plenus Supermercados. A reforma deste local, ao que se destinaron máis de dous meses de traballo, dá un maior protagonismo ao espazo de frescos, poñendo o acento nas seccións con venda asistida nas que Grupo Cuevas destaca, como son a peixaría, cunha nova e ampliada localización, a froitería, que incorpora unha máquina para comercializar zume recentemente espremido, a carnicería e charcutería e, como novidade, unha desenvolvida sección de panadería con especial atención a referencias de produto do día e de proximidade así como a introdución da gama “recentemente enfornado”. A tenda, que será atendida por un equipo de 17 persoas, dará servizo en horario ininterrompido, de luns a sábado, desde as 9.15 horas ata as 21.30 horas.